Rreth TOBU – TOBU

Organizata Turistike Bujanoc

Organizata Turistike Bujanoc është ent publik, me statusin e personit juridik, i themeluar nga Kuvendi Komunal i Bujanocit dhe funksionon si institucion në kuadër të Komunës së Bujanocit.

Destinacionet turistike në Komunën e Bujanocit:

Qyteti i Bujanocit

Banja e Bujanocit

Liqeni i Bujanocit

Kalaja e Kërshevicës

Manastiri i Prohor Pçinjës

Objektet e trashëgimisë kulturore, arkeologjike, fetare, historike etj.

Organizata Turistike ushtron veprimtarinë e saj në promovimin e destinacioneve turistike si dhe zhvillimin e ofertës turistike në Komunën e Bujanocit.

Organizata Turistike ushtron këto funksione:

Zbaton politikat në fushën e turizmit, duke promovuar destinacionet turistike në nivel republikan dhe rajonal, duke u bazuar në strategjinë e zhvillimit të turizmit.

Promovon destinacionet turistike dhe ofertën turistike nëpër panairet e ndryshme turistike brenda e jashtë vendit.

Bashkëpunon me organizatat turistike, pushtetin vendor dhe institucionet republikane e ndërkombëtare për të inicuar projekte në zhvillimin e turizmit dhe nxitjen e investimeve.

Ofron informacione për vizitorët dhe turistët, për ofertën dhe destinacionet turistike, duke hartuar dhe prodhuar materiale promovuese, promovimin e suvenireve etj.

Organizon aktivitete të ndryshme me synim rritjen e numrit të turistëve në vend.

SQ