Bujanoci ndodhet në jug të Serbisë, në rrethin e Pçinjës. Qyteti ndodhet në rrugën e komunikimit të Korridorit 10 që lidh Evropën Qendrore me Evropën Jugore. Largësia nga Beogradi është 360 km Nishi 132 km, Sofja 195 km, Prishtina 80 km, Shkupi 75 km dhe Selaniku 281 km. Qyteti ndodhet në bregun e majtë të Moravës Jugore. Bujanoci është i njohur për burimin e ujit mineral si dhe Banjën e Bujanocit.

Territori i Bujanocit ka një sipërfaqe prej 461 km² ndërsa lartësia mbidetare është 384 m dhe përbëhet nga gjithsej 59 vendbanime. Si vendbanim urban është Bujanoci ndërsa 59 vendbanime rurale të organizuara në 59 bashkësi lokale. Bujanoci si komunë u themelua në vitin 1947.